તમે સ્ટેશનો પર ઘણી વખત મફત વાઇફાઇનો ઉપયોગ કર્યો હશે. રેલ્વેને વાઇફાઇ પ્રદાન કરનારી કંપની રેલટેલે અનેક પ્રીપેડ વાઇ-ફાઇ યોજનાઓ શરૂ કરી છે. આના દ્વારા તમે દેશના 4,000 રેલ્વે સ્ટેશનો પર પ્રિપેઇડ પેમેન્ટ દ્વારા હાઇ સ્પીડ ઇન્ટરનેટ સેવાનો ઉપયોગ કરી શકશો. મુસાફરોને 10 રૂપિયાથી શરૂ થતા પ્રીપેડ પ્લાનમાં કિંમત અનુસાર ડેટા આપવામાં આવશે, જેમાં 34 MBPS સુધીની સ્પીડ મળશે.
તમને જણાવી દઈએ કે રેલટેલ પહેલેથી જ દેશના 5,950થી વધુ સ્ટેશનોને મફત વાઇફાઇ સેવા પ્રદાન કરી રહ્યું છે. કોઈપણ મુસાફરો તેનો ઉપયોગ તેમના સ્માર્ટફોન દ્વારા કરી શકે છે. આ માટે, તેઓએ મોબાઈલ નંબર પર આવતા ઓટીપીની ચકાસણી કરવાની છે.
અહેવાલ અનુસાર, ‘નવી પ્રીપેઇડ યોજના હેઠળ મુસાફરો દરરોજ વધુમાં વધુ 30 મિનિટ માટે 1 એમબીપીએસની ઝડપે ઇન્ટરનેટનો ઉપયોગ કરી શકશે. જો કે, જો તેઓ 34Mpbs સુધીની હાઇ સ્પીડ ઇચ્છતા હોય, તો પછી કોઈએ ખૂબ ઓછી ફી સાથે યોજના પસંદ કરવી પડશે.
કોઈ પણ આ યોજના ઓનલાઇન ખરીદી શકે છે
રેલટેલના સીએમડી પુનીત ચાવલાએ કહ્યું કે આ ડેટા યોજનાઓ એવી રીતે ડિઝાઇન કરવામાં આવી છે કે કોઈ પણ ગ્રાહક તેમની જરૂરિયાતો અનુસાર પસંદ કરી શકે. પ્રિપેઇડ ચુકવણી માટે નેટ-બેંકિંગ, ઇ-વોલેટ અને ક્રેડિટ કાર્ડનો ઉપયોગ કરી શકાય છે. તે ઓનલાઇન પણ ખરીદી શકાય છે.
તેમણે માહિતી આપી હતી કે કોવિડ -19 પહેલા દર મહિને લગભગ ત્રણ કરોડ લોકો આ યોજનાનો ઉપયોગ કરતા હતા. તેમણે જણાવ્યું હતું કે જો સ્થિતિ સામાન્ય હોય અને મુસાફરોની સંખ્યા પહેલા જેવી હોય તો પ્રીપેડ વાઇફાઇ સેવાથી વાર્ષિક આવક 10-15 કરોડ રૂપિયા થાય છે.
કેટલા રૂપિયામાં કેટલો ડેટા મળશે?
- રેલ્ટેલની પ્રીપેડ વાઇફાઇ યોજનાઓની વાત કરીએ તો તેની કિંમત 10 રૂપિયાથી લઈને 70 રૂપિયા છે.
- 10 રૂપિયામાં એક દિવસ માટે 5 જીબી
- 15 રૂપિયામાં એક દિવસ માટે 10 જીબી.
- 20 રૂપિયામાં પાંચ દિવસ માટે 10 જીબી.
- 30 રૂપિયામાં પાંચ દિવસ માટે 20 જીબી
- 40 રૂપિયામાં દસ દિવસ માટે 20 જીબી
- 50 રૂપિયામાં દસ દિવસ માટે 30 જીબી
- 70 રૂપિયામાં 30 દિવસ માટે 60 જીબી
