16 ડિસેમ્બર, 2020ના રોજ બપોરે 12:44 કલાકે બોલિવૂડ અભિનેત્રી ઉર્મિલા માતોડકરે એક ટ્વીટ કરીને તેના ઇન્સ્ટાગ્રામ એકાઉન્ટ હેક થયું છે એવી માહિતી આપી હતી. તેણે પોતાના ટ્વિટમાં લખ્યું – મારું ઇન્સ્ટાગ્રામ એકાઉન્ટ હેક થઈ ગયું છે. તે પ્રથમ તમને ડાઇરેક્ટ મેસેજ(DM) આપે છે, પછી તમને એકાઉન્ટને ચકાસવા માટે કેટલાક સ્ટેપ ફોલો કરવાનું બોલે છે. પછી તેને હેક કરવામાં આવે છે.
આ પહેલીવાર નહોતું જ્યારે કોઈ કલાકાર, ઉદ્યોગપતિ અથવા રાજકારણીનું સોશ્યલ મીડિયા એકાઉન્ટ હેક થયું હોય. સપ્ટેમ્બરની શરૂઆતમાં વડાપ્રધાન નરેન્દ્ર મોદીના ટ્વિટર એકાઉન્ટ,જુલાઈમાં જો બિડેન, બરાક ઓબામા, બિલ ગેટ્સ અને એલોન મસ્ક જેવી હસ્તીઓનાં એકાઉન્ટ હેક થઈ ગયા છે.
સ્ટેટિસ્ટાના એક રિપોર્ટ મુજબ સોશ્યલ મીડિયા હેકિંગના કિસ્સા વિશ્વભરમાં વધી ગયા છે. તેમાંથી, 22% ઇન્ટરનેટ ઉપયોગકારોના સોશ્યલ મીડિયાના ખાતા હેક થઈ ગયા છે. 14% એવા ઉપયોગકર્તાઓ છે જેમના સોશ્યલ મીડિયા એકાઉન્ટને એક કરતા વધુ વખત હેક કરવામાં આવ્યા છે.
હેકર્સ કઈ બે ભૂલોનો લાભ લે છે?
ટેકનિકલ ભૂલ
નિષ્ણાતો કહે છે કે તમારા સોશ્યલ મીડિયા એકાઉન્ટ્સ ફેસબુક, ઇન્સ્ટાગ્રામ, ટ્વિટર અને લિંક્ડઇન જેવા છે. ઉપયોગકર્તાઓ સામાજિક અને વ્યવસાયિક રૂપે લોકો સાથે જોડાવા માટે આ બધા ડિજિટલ પ્લેટફોર્મનો ઉપયોગ કરે છે. આ બે ભૂલોને કારણે, હેકર્સ એકાઉન્ટ્સ હેક કરી શકે છે. પ્રથમ, જો સોશિયલ મીડિયા એપ્લિકેશનમાં કોઈ પ્રકારની છટકબારી હોય, તો હેકર્સ આ ટેકનિકનો લાભ લે છે. જોકે સોશિયલ મીડિયા કંપનીઓમાં સારી ટેકનિકલ ટીમો હોય છે, પરંતુ તે પછી પણ હેકરો ટેકનીકલ બારીઓના છીંડાઓ શોધી કાઢે છે.
ફિશિંગ ટ્રેપ
એક્સપર્ટની રાય અનુસાર, બીજી ભૂલ જેનો લાભ હેકરો લે છે. તે ઉપયોગકર્તાઓની ભૂલો છે. એવી ઘણી બધી રીતો છે કે હેકર્સ લોકોના આઈડી હેક કરી શકે છે. હેકર્સ કોલ કરીને અથવા મેસેજ કરીને તમારી સાથે ફિશિંગ લિંક્સ શેર કરી શકે છે. જલદી તમે આ લિંક પર ક્લિક કરો છો, તમે ફેસબુક, ટ્વિટર જેવી દેખાતી સાઇટ પર જઈ શકો છો. આ સમયે તમને લોગિન કરવાનું કહેવામાં આવશે. જો તમે તેમાં લૉગિન કરો છો, તો હેકર્સ એકાઉન્ટનો આઈડી અને પાસવર્ડ ચોરી શકે છે.
ફેસબુક હેક થયું છે કેવી રીતે જાણશો?
આ ત્રણ સ્ટેપથી તમે જાણી શકો છો કે તમારું ફેસબુક એકાઉન્ટ હેક થયું છે કે નહીં.
- ફેસબુક સેટિંગમાં જાઓ
- “સિક્યોરિટી અને લૉગિન” પર ક્લિક કરો.
- “Where You’re Logged In” પર ક્લિક કરો
હેકિંગ કેવી રીતે બંધ કરવું?
એક્ષ્પર્ટો મોટાભાગના ઉપયોગકર્તાઓને સોશિયલ મીડિયા પર હેકિંગ ટાળવા માટે ચેતીને રહેવાની સલાહ આપે છે. તે કહે છે કે તમારા સોશિયલ મીડિયા એકાઉન્ટની વિગતો કોઈની સાથે શેર કરવાનું ટાળો. જો કોઈ તમારા મોબાઇલ ફોનમાં અજાણ્યા નંબર પરથી કોલ કરે છે અને ઓટીપી માંગે, તો ક્યારેય આપવો નહીં. ફિશિંગ લિંક્સની કાળજી લો. તે લિંક પર ક્લિક કરો જે જરૂરી છે.
પ્રાઈવસી માટે ભારતમાં શું કાયદો છે?
એક્ષ્પર્ટોના મતે ડેટા સુરક્ષાને લઈને હાલમાં ભારતમાં કોઈ કાયદો નથી. 11 ડિસેમ્બર 2019ના રોજ ઇલેક્ટ્રોનિક્સ અને માહિતી ટેકનોલોજી મંત્રાલય દ્વારા સંસદમાં પર્સનલ ડેટા પ્રોટેક્શન બિલ(પીડીપી) રજૂ કરવામાં આવ્યું હતું. જે હજી બાકી છે. જો કે, એનસીપીઆઇએ પ્રાઈવસી અંગે એક ગાઈડલાઇન જાહેર કરી છે. આ હેઠળ દેશનો ડેટા દેશમાં જ રહેવો જોઈએ, તેને બહાર કાઢવાની મંજૂરી નથી. તે જ સમયે, ડેટા સુરક્ષા માટે GDPR નામનો એક કડક કાયદો યુરોપમાં બનાવવામાં આવ્યો છે.
