દુબઇના સુલતાન અને સંયુક્ત આરબ અમીરાતના ઉપ-રાષ્ટ્રપતિ શેખ મોહમ્મદ બિન રશીદ તાજેતરમાં જ ફેમસ વીડિયો શેરિંગ પ્લેટફોર્મ ટિકટોક પર જોડાયા છે. શેઠ મોહમ્મદે આ એપ પર આવ્યા પછી બે વીડિયો પણ શેર કર્યા છે, જે યુવાનોમાં ખૂબ પ્રખ્યાત છે અને તેમણે કહ્યું હતું કે આ એપમાં જોડાઇને તેઓ પોતાનો સંદેશ ફેલાવીને યુવાનોને પ્રેરણા આપવા માંગે છે.
તેણે ટિકટોકમાં જોડાવા વિશે ટ્વિટર પર લખ્યું – હું સત્તાવાર રીતે ટિકટોકમાં જોડાયો છે જે 800 મિલિયન ઉપયોગકારો સાથેનો સૌથી ઝડપી ઉભરતો સ્ટેજ છે. હું ત્યાં હાજર થવા માંગુ છુ જ્યાં લોકો હાજર હોય. અમે આરબ સમુદાય વિશે સારી સામગ્રી બનાવવા માંગીએ છીએ અને યુવાનોની વાત પણ સાંભળવા માંગીએ છીએ અને યુવાનો સાથે અમારા મંતવ્યો પણ શેર કરવા માંગીએ છીએ.
રિપોર્ટ અનુસાર, ટીકટોક એપના માધ્યમથી, દુબઈના સુલ્તાન પોતાના લાખો ફેન સાથે જોડાવા માંગે છે. ટીકટોક દ્વારા તેઓ છેલ્લા 50 વર્ષોની તેમની લોકસેવા અને નેતૃત્વની યાત્રા બતાવશે અને યુવાનોને સમાજમાં સારું પરિવર્તન લાવવા પ્રેરણા આપશે.
તેણે ટિકટોક પરની તેની પ્રથમ પોસ્ટમાં એક પ્રેરણાદાયી પોસ્ટ શેર કરી છે. આ પોસ્ટમાં મોહમ્મદે પોતાનો અવાજ આપ્યો છે. આ વાર્તામાં તે સિંહો અને હરણ વિશે વાત કરતા જોવા મળ્યા હતા. તેમણે કહ્યું કે, દરેક વ્યક્તિએ સવારે ઉઠ્યા પછી ઉભા થવા માટે શ્રેષ્ઠ પ્રયાસ કરવો જોઈએ, પછી ભલે તે શિકાર કરવાનું ટાળતો હોય અથવા શિકાર શોધવાનું હોય. તેથી જ્યારે પણ તમે જાગશો, ફક્ત દોડ અને તમારા અસ્તિત્વ પર જ ધ્યાન કેન્દ્રિત કરો. શેખ મોહમ્મદે અંગ્રેજીમાં આ વિડિઓ પર પોતાનો અવાજ આપ્યો છે.
તેણે પોતાના બીજા વીડિયોમાં કોરોના મહામારી વિશે વાત કરી છે. શેખ મોહમ્મદ સોશિયલ મીડિયા પ્લેટફોર્મ પર ખૂબ જ ફેમસ છે અને તેણે આ પ્લેટફોર્મનો ઉપયોગ કરતા લોકો સાથે જોડાવા માટે પ્રાથમિકતા આપી છે. દુબઈના સુલતાનના ઇન્સ્ટાગ્રામ 5 મિલિયનથી વધુ ફોલોઅર્સ છે. આ સિવાય તેના ટ્વિટર પર એક કરોડથી વધુ ફોલોઅર્સ છે.
