મીડિયામાં એવા અહેવાલો આવ્યા હતા કે ભારતના સૌથી ધનિક વ્યક્તિ મુકેશ અંબાણી લંડન, યુકેમાં શિફ્ટ થઈ રહ્યા છે. મિડ ડે અખબારે વિશિષ્ટ સમાચાર પ્રકાશિત કર્યા હતા કે અંબાણી પરિવાર લંડન અને મુંબઈ બંનેમાં રહેશે.
શુક્રવારે, રિલાયન્સ ઇન્ડસ્ટ્રીઝ લિમિટેડ (RIL)એ મીડિયા અહેવાલોને રદિયો આપ્યો અને એક નિવેદન બહાર પાડ્યું. RILએ મીડિયામાં ચાલી રહેલા સમાચારોને પાયાવિહોણા ગણાવ્યા અને કહ્યું કે ‘ચેરમેન અને તેમના પરિવારનો લંડન અથવા વિશ્વમાં ક્યાંય સ્થળાંતર કરવાનો કોઈ ઈરાદો નથી’.
RILના નિવેદનમાં રિલાયન્સની કંપની, RIIJHL (રિલાયન્સ ઈન્ડસ્ટ્રીયલ ઈન્વેસ્ટમેન્ટ્સ એન્ડ હોલ્ડિંગ્સ લિમિટેડ) દ્વારા સ્ટોક પાર્ક એસ્ટેટની ખરીદીનો પણ ઉલ્લેખ કરવામાં આવ્યો છે.
મિડ ડેના સમાચાર પછી સોશિયલ મીડિયા પર પણ આ બાબતની ચર્ચા થઈ હતી. એક યુઝરે અંબાણી માટે લખ્યું કે શું તે ‘આગામી નીરવ મોદી બનવાના માર્ગ પર છે’. કેટલાક યુઝર્સે અંબાણીની સંપત્તિ અને એન્ટિલાની પણ મજાક ઉડાવી હતી.
100.6 બિલિયન અમેરિકન ડોલરના માલિક મુકેશ અંબાણી વિશ્વના 10 સૌથી ધનિક લોકોની યાદીમાં સામેલ છે. 100 અબજથી વધુ સંપત્તિ ધરાવતા લોકોની આ યાદીમાં એલન મસ્ક અને જેફ બેઝોસ પણ સામેલ છે.
