પશ્ચિમ આફ્રિકાના બેનીનમાં એક ગામ છે, જે સંપૂર્ણ રીતે તળાવ પર આવેલું છે. 20 હજારની વસ્તી ધરાવતું ગેનવી નામનું આ ગામ નોકોઉ તળાવ પર છે. મોટાભાગના લોકોનાં મકાનો તળાવની મધ્યમાં છે. તે તળાવ પર આફ્રિકાનું સૌથી મોટું ગામ પણ માનવામાં આવે છે. આ ગામને જોવા માટે પ્રવાસીઓ દૂર-દૂરથી પહોંચે છે.
કેટલાક અહેવાલો કહે છે કે 16 મી કે 17મી સદીમાં તોફિનુ સમુદાયના લોકોએ પોતાની સલામતી માટે અહીં સ્થાયી થવાનું નક્કી કર્યું. ફોન નામના આદિવાસીઓ આ લોકોને ગુલામ બનાવતા હતા, પરંતુ તેમની ધાર્મિક માન્યતાને કારણે તેઓ પાણીમાં પ્રવેશ્યા નહોતા.
અહીંનાં બધાં ઘરો, દુકાનો અને રેસ્ટોરાં પાણીથી ઘણા ફુટ ઉપર લાકડાનાં બનેલા છે. તળાવ ઉપર તરતું બજાર પણ છે.
ગામડાઓની પાસે જમીનનો ટુકડો પણ છે જ્યાં શાળા બનાવવામાં આવી છે. જો કે, આ જમીન પણ લોકોએ જાતે તૈયાર કરી હતી. આ માટે, તેઓને બોટમાં માટી લાવવી પડી હતી.
