એવું કહેવામાં આવે છે કે નસીબ હંમેશાં દયાળુ હોતું નથી, પરંતુ આ આફ્રિકન દેશના કિસ્સામાં, આ ખોટું સાબિત થાય છે. અમે અહીં વાત કરી રહ્યા છીએ બોટસવાના આફ્રિકન દેશ વિશે, જ્યાં ફરી એક વાર દુર્લભ હીરાનો ઉદય થયો છે.
છેલ્લા મહિનામાં એટલે કે જૂનના મધ્યમાં, આ દેશમાં ખોદકામ દરમિયાન એક કિંમતી હીરા મળી આવ્યો હતો. તે હીરા વિશ્વનો ત્રીજો સૌથી મોટો હીરા હોવાનું કહેવાતું. હવે થોડા દિવસો પછી ફરી એક વાર અહીં એક વિશાળ સફેદ રંગનો ડાયમંડ મળ્યો છે. આ હીરા વિશ્વનો બીજો સૌથી મોટો હીરા કહેવામાં આવી રહ્યો છે.
મીડિયા રિપોર્ટ્સ અનુસાર, આ ડાયમંડ 1,174.76 કેરેટ છે. અગાઉના હીરાને ડેબસ્વાના કંપની દ્વારા શોધી કાઢવામાં આવ્યો હતો, ત્યાં લુકારા નામની ડાયમંડ કંપનીએ આ હીરાની શોધ કરી છે. હીરા મળ્યા પછી, 7 જુલાઇએ તે રાષ્ટ્રપતિને સોંપવામાં આવ્યો.
બોત્સવાના રાષ્ટ્રપતિ મોકગ્વેત્સી થોડા દિવસોમાં બે વિશાળ હીરા મેળવ્યા બાદ ખૂબ ખુશ છે. જે કંપનીને આ ડાયમંડ મળ્યો છે તે કેનેડાની લુસારા છે. કંપનીએ કારોવ ડાયમંડ માઇનમાંથી 1,174.76 કેરેટના આ ડાયમંડને બહાર કાઢ્યું છે. 77x55x33 મીમીનું આ હીરો સંપૂર્ણપણે દૂધિયો છે. આ ઉચ્ચ ગુણવત્તાવાળા હીરાને વિશ્વનો બીજો સૌથી મોટો હીરા કહેવામાં આવે છે.
આવા સફેદ હીરાની સમગ્ર વિશ્વમાં ખૂબ માંગ છે. હીરાની ખાણ કારોવે આ હીરાની શોધ સાથે રેકોર્ડ બનાવ્યો છે. અહીંથી 100 કેરેટના આવા 17 હીરા મળી આવ્યા છે. જેમાં પાંચ હીરા 300 કેરેટના છે. આ દૂધિયા હીરા પહેલાં, બોત્સ્વાનામાં વિશ્વનો ત્રીજો સૌથી મોટો હીરા હતો. આ હીરાની લંબાઈ 73 મીમી અને પહોળાઈ 52 મીમી 1,098 કેરેટની હતી.
આ પહેલા 1905માં, વિશ્વનો સૌથી મોટો હીરા દક્ષિણ આફ્રિકામાં મળી આવ્યો હતો. જે આશરે 3,106 કેરેટ હતું. 2015માં, વિશ્વનો બીજો સૌથી મોટો હીરા ઈશાન બોત્સ્વાનાથી મળી આવ્યો. આ ડાયમંડ ટેનિસ બોલનું કદ હતું. 1109 કેરેટના આ ડાયમંડનું નામ ‘લેસેડી લા રોના’ હતું. આ દૂધિયો હીરા મેળવ્યા પછી ‘લેસી લા રોના’ ત્રીજા સ્થાને ગયો છે.
