રિઝર્વ બેંક ઑફ ઇન્ડિયા(RBI) ગ્રાહકોને વધુ સારી સુવિધા આપવા માટે કોઈપણ નવી ઘોષણા કરતી રહે છે. કરોડો ગ્રાહકો માટે હવે આરબીઆઈએ બીજી મોટી જાહેરાત કરી છે. આવતા મહિનાથી, બેંકો પૈસાના વ્યવહાર માટે એક મહત્વપૂર્ણ નિયમ બદલવા જઈ રહી છે.
ઑક્ટોબરમાં, RBIએ ઘોષણા કરી કે રિયલ ટાઇમ ગ્રોસ સેટલમેન્ટ (RTGS) સિસ્ટમ ડિસેમ્બર 2020 થી દિવસના 24 કલાક ચાલુ રહેશે. એટલે કે, તમારે ડિસેમ્બરથી મોટી રકમ ટ્રાન્સફર કરવા માટે બેંક ખુલવા અને બંધ થવાની રાહ નહીં જોવી પડે.
હાલમાં, આ સમય છે.
નાણાકીય નીતિ સમિતિ (MPC) ના નિર્ણયોની ઘોષણા કરતી વખતે RBI ગવર્નર શક્તિકાંત દાસે ગ્રાહકોને આ મોટી ભેટ આપી છે. હાલમાં, ગ્રાહકો માટે RTGSનો સમય સવારે 7 થી સાંજના 6 વાગ્યા સુધીનો છે. બીજા અને ચોથા શનિવારે જ્યારે બેંકમાં રજા હોય છે, ત્યારે આ સુવિધા બંધ હોય છે. આ સાથે રવિવારે પણ આ સેવા બંધ હોય છે.
RTGS એટલે શું?
RTGS એટલે રીઅલ ટાઇમ ગ્રોસ સેટલમેન્ટ સિસ્ટમ. ‘રીઅલ ટાઇમ’ એટલે તરત. એનો અર્થ એવો થાય કે જેવા તમે પૈસા ટ્રાન્સફર કરો છો એ સાથે જ તે ખાતામાં પહોંચી જાય છે. જ્યારે તમે RTGS દ્વારા ટ્રાંઝેક્શન કરો છો, ત્યારે પૈસા તરત જ બીજા ખાતામાં ટ્રાન્સફર કરવામાં આવે છે.
આરટીજીએસ સુવિધા મફત છે.
6 જૂન, 2019 ના રોજ, આરબીઆઈએ રીઅલ ટાઇમ ગ્રોસ સેટલમેન્ટ અને નેશનલ ઇલેક્ટ્રિક ફંડ ટ્રાન્સફર (NEFT) દ્વારા સામાન્ય લોકોને એક મોટી ભેટ આપીને ટ્રાંઝેક્શનને મફત બનાવ્યું.
NEFT સુવિધા 24 કલાક ઉપલબ્ધ
16 ડિસેમ્બર 2019 થી, તમામ બેંકોમાં 24-કલાકની રાષ્ટ્રીય ઇલેક્ટ્રોનિક ફંડ ટ્રાન્સફર (NEFT) સુવિધા શરૂ કરવામાં આવી. રિઝર્વ બેંક ઑફ ઇન્ડિયા (RBI) એ બેંકોને આમ કરવા સૂચના આપી હતી. જ્યારે અગાઉ NEFT સુવિધા સવારના 8 થી સાંજના 7 વાગ્યા સુધી હતી.
