દુનિયાને ચોંકાવી દેનાર આ રહસ્યને ‘બીકન ઓફ મરાકાઇબો’ કહેવામાં આવે છે. તેના ઘણા અન્ય નામો છે, જેમ કે કેટાટુમ્બો લાઈટનિંગ, એવરલાસ્ટિંગ સ્ટ્રોમ, ડ્રામેટિક રોલ ઓફ થન્ડર. આ સ્થળને વિશ્વનું કુદરતી પાવર હાઉસ પણ કહેવામાં આવે છે.
એક અહેવાલ મુજબ, વેનેઝુએલામાં કેટાટુમ્બો નદી લેક મારકાઇબો સાથે જોડાય છે તે સ્થળે વર્ષમાં 260 તોફાની દિવસો હોય છે. આ 260 દિવસોની તોફાની રાતો દરમિયાન, આખી રાત વીજળી પડે છે.
સૌથી વધુ વીજળી વાળી જગ્યા તરીકે મારિકાબો તળાવનું નામ ગિનિસ બુકમાં નોંધાયેલું છે. શિયાળાની ઋતુમાં ઓછું હોય છે, પરંતુ અહીં વરસાદી ઋતુમાં વીજળી ઘણી હોય છે. એક રિપોર્ટ અનુસાર, આ સિઝનમાં, અહીં દર મિનિટે 28 વખત વીજળી ચમકે છે.
તમને જાણીને આશ્ચર્ય થશે કે આ આકાશી વીજળીનું તેજ એટલું વધારે છે કે તે 400 કિલોમીટરના અંતરથી પણ દેખાય છે. લોકો કહે છે કે એવું લાગે છે જાણે આકાશ બહુરંગી લાઈટોમાં સ્નાન કરે છે.
હકીકતમાં, નિષ્ણાતો વર્ષોથી આ ક્ષેત્રમાં આટલી વીજળી કેમ છે તે જાણવા માટે રોકાયેલા છે. 1960ના દાયકામાં એવું માનવામાં આવતું હતું કે આ વિસ્તારમાં યુરેનિયમની માત્રા વધારે છે, તેથી અહીં આકાશમાંથી વધુ વીજળી પડે છે.
વૈજ્ઞાનિકો દ્વારા હાથ ધરાયેલા સંશોધનમાં જાણવા મળ્યું કે તળાવ પાસેના તેલના ક્ષેત્રોમાં મિથેનની વિપુલતાને કારણે આકાશમાં વીજળી વધુ ચમકે છે. જો કે, યુરેનિયમ અને મિથેનનો સિદ્ધાંત પ્રમાણિક રીતે સાબિત થયો નથી. તેથી આ સ્થળ હજુ પણ એક રહસ્ય જ છે.
