નવો સ્માર્ટફોન આવી રહ્યો છે, તેમાં એક વિશેષ કેમેરો હશે. આ ફોનનો આગળનો કેમેરો તેની સ્ક્રીનમાં છુપાયો હશે. ફોનમાં ઓન-સ્ક્રીન કેમેરા ટેકનોલોજીનો ઉપયોગ કરવામાં આવશે. આ જબરદસ્ત સ્માર્ટફોન ZTE કંપની લઈને આવી રહી છે. મોબાઇલ ઉત્પાદનમાં મોટી સંખ્યામાં આ તકનીકીનો વ્યાપારી ધોરણે ઉપયોગ કરનારી ઝેડટીઇ વિશ્વની પ્રથમ કંપની છે. કંપનીએ આ ટેક્નોલોજીનો ઉપયોગ તેના સ્માર્ટફોન ઝેડટીઇ એક્ઝન 20 5 જીમાં કર્યો છે અને તાજેતરના અહેવાલમાં જણાવાયું છે કે કંપની ટૂંક સમયમાં આ ફોનનું 4 જી વર્ઝન પણ લાવવા જઈ રહી છે.
ઘણા બજારોમાં ઉપલબ્ધ થશે સ્માર્ટફોન
તાજેતરના રિપોર્ટ સૂચવે છે કે ZTE Axon 20 4G સ્માર્ટફોન 8-કોર 4 જી પ્લેટફોર્મ સાથે આવી રહ્યો છે. આ સ્માર્ટફોન Huben T618 પ્રોસેસર સાથે આવી શકે છે. ZTEનો આ સ્માર્ટફોન ફક્ત ચીની બજારમાં જ નહીં પરંતુ વિશ્વના અન્ય બજારોમાં પણ ઉપલબ્ધ થશે. ZTE Axon 20 4G સ્માર્ટફોનમાં ફ્રન્ટ કેમેરા અને સાઉન્ડ યુનિટ સ્ક્રીન હેઠળ છુપાયેલા હશે.
ફોનમાં 64 મેગાપિક્સલનો મુખ્ય કેમેરો
ZTE Axon 20 4G સ્માર્ટફોનમાં વિશાળ 6.92-ઇંચની OLED સ્ક્રીન હશે. તેનું રિઝોલ્યુશન 2460X1080 પિક્સેલ્સ હશે અને આસ્પેક્ટ રેશિયો 20.5: 9 છે. આ સ્માર્ટફોન ડ્યુઅલ સિમની કેપેસિટી સાથે હશે. ઝેડટીઆઈના જણાવ્યા અનુસાર, ડાયનેમઆઇક્યુ ટેકનોલોજી ઉચ્ચ ગરમીની સ્થિતિમાં સિસ્ટમને શ્રેષ્ઠ પ્રદર્શન કરવાની મંજૂરી આપે છે. જો તમે કેમેરા વિશે વાત કરો તો ફોનમાં ક્વોડ રીઅર કેમેરા સેટઅપ થશે. ફોનની પાછળ 4 કેમેરા હશે. ફોનની પાછળનો ભાગમાં 64 મેગાપિક્સલનો AI મુખ્ય કેમેરો હશે. આ ઉપરાંત, ફોનની પાછળના ભાગમાં 8 મેગાપિક્સલનો અલ્ટ્રા-વાઇડ એંગલ કેમેરો, 2 મેગાપિક્સલનો ઉંડાઈ લેન્સ અને 2 મેગાપિક્સલનો મેક્રો લેન્સ છે.
ફોનના આગળના ભાગમાં 32 મેગાપિક્સલનો કેમેરો
આ ઝેડટીઇ સ્માર્ટફોનના આગળના ભાગમાં 32 મેગાપિક્સલનો કેમેરો આપવામાં આવ્યો છે. જો કે રિપોર્ટમાં આ સ્માર્ટફોનની લોન્ચિંગ તારીખ જણાવી નથી. આ સ્માર્ટફોન 8GB સુધી રેમ અને 256GB સુધી સ્ટોરેજ સાથે આવી શકે છે. તમે માઇક્રોએસડી કાર્ડ દ્વારા ફોનના સ્ટોરેજને 2TB સુધી વધારી શકો છો. આ ઝેડટીઆઈ સ્માર્ટફોન, Android 10 આધારિત MiFlavour 10.5 પર ચાલશે. ફોનમાં ઇન-ડિસ્પ્લે ફિંગરપ્રિન્ટ સેન્સર હશે. ફોનમાં 4220 એમએએચની બેટરી હશે, જે 30 ડબ્લ્યુ ફાસ્ટ ચાર્જિંગને સપોર્ટ કરશે.
