એપલ તેના પ્રથમ ફોલ્ડેબલ આઇફોનને વિકસાવવા માટે ખૂબ જડપથી કામ કરી રહ્યું છે. રિપોર્ટ અનુસાર, કંપની સપ્ટેમ્બર 2022 માં પોતાનો પહેલો ફોલ્ડેબલ ફોન લોન્ચ કરવા જઈ રહી છે.
એપલ આ ફોલ્ડેબલ ફોન માટે તાઇવાનની સામગ્રીના સપ્લાયર્સ હોન હાઈ અને નિપ્પોન નિપ્પોન સાથે લગાતાર સંપર્કમાં છે. રિપોર્ટ અનુસાર, એપલ તેના પહેલા ફોલ્ડબલ આઇફોનમાં OLED અથવા માઇક્રો-એલઇડી સ્ક્રીન ટેક્નોલોજીનો ઉપયોગ કરી શકે છે, જે સેમસંગ દ્વારા બનાવવામાં આવશે. કંપની હાલમાં સ્ક્રીન ટેસ્ટિંગ પર કાર્ય કરી રહી છે.
તાઇવાની મીડિયા કંપની Money.udn.comએ સપ્લાય ચેઇન સ્ત્રોતને ટાંકીને જણાવ્યું છે કે એપલ ખરેખર તેનો પ્રથમ ફોલ્ડબલ આઇફોન 2022 માં લાવવા પર કામ કરી રહ્યું છે. કંપની હાલમાં ફોલ્ડેબલ આઇફોન સ્ક્રીનનું પરીક્ષણ કરી રહી છે, જેના માટે સેમસંગ કંપની ડિસ્પ્લે સપ્લાય કરશે અને ઘણા સપ્લાયર્સ દ્વારા બેરિંગ્સ બનાવવામાં આવશે. અહેવાલ મુજબ, ન્યુ નિક્કી મુખ્ય સપ્લાયર હશે અને હોન હાઇ કંપની ફોલ્ડેબલ હેન્ડસેટ એસેમ્બલ કરશે.
ફોન પર સખત ટેસ્ટિંગ કરવામાં આવશે.
- નિપ્પોન નિપ્પોન પણ ફોલ્ડેબલ આઇફોન માટે બેરિંગ્સની ખરીદી કરશે.
- ફોલ્ડેબલ હિન્જ્સ માટે એપલ તાઇવાન કંપની દ્વારા સંશોધન અને વિકાસ પર આધાર રાખશે.
- કોઈપણ ફોલ્ડેબલ ફોનની મજબૂતી માટે સખત પરીક્ષણ કરવામાં આવે છે.
- પાછલા ફોલ્ડબલ ફોન્સની મજબૂતી માપવા માટે આ ફોનનું લગભગ 10 લાખ વાર ટેસ્ટિંગ કરવામાં આવશે.
- ન્યુ નિકોએ ઉલ્લેખ કર્યો છે કે તેઓ આના બેરિંગ્સનું મોટાપાયે ઉત્પાદન કરશે.
એપલે પેટન્ટ ફાઇલ કરી
આ પહેલી વાર નથી જ્યારે આપણે એપલના ફોલ્ડેબલ ફોન વિશે સાંભળી રહ્યા છીએ. ફેબ્રુઆરીમાં, એપલે ફોલ્ડેબલ ફોન માટે નવી ડિઝાઇનને પેટન્ટ આપી હતી. પેટન્ટ બતાવે છે કે એપલ એક અલગ પ્રકારની ડિઝાઇન બનાવવાનો પ્રયત્ન કરી રહ્યું છે, જે ફોનને ફોલ્ડ કરવામાં આવે ત્યારે લચીલી સ્ક્રીનો માટે બે ડિસ્પ્લે વચ્ચે પૂરતી જગ્યાને સક્ષમ કરી શકે.
ગયા વર્ષે સેમસંગે તેનું પહેલું ફોલ્ડેબલ ફોનનું લોંચિંગ કર્યું હતું. આ ફોલ્ડેબલ ફોનમાં ઘણી સમસ્યાઓ આવી હતી, જેના કારણે લોન્ચિંગમાં વિલંબ થયો, પરંતુ એના પછી ગેલેક્સી ઝેડ ફોલ્ડ 2 લોંચ કરવામાં આવ્યો, જે ખૂબ જ સરળ છે. એપલ, તેની પ્રતિષ્ઠાને ધ્યાનમાં રાખીને, ફોલ્ડેબલ આઇફોન લોન્ચ કરતા પહેલા બધી ભૂલોને કાઢી નાખવા માંગે છે.
