વિશ્વની સૌથી મોટી ઓનલાઈન શોપિંગ કંપની અને વિશ્વના બીજા સૌથી મોટા અબજોપતિ ગણાતા એમેઝોનના માલિક જેફ બેઝોસ હવે અવકાશમાં પોતાની સફળતાનો ઝંડો લગાવ્યા બાદ વોટર વર્લ્ડ પર પ્રભુત્વ જમાવવા જઈ રહ્યા છે. કહેવામાં આવી રહ્યું છે કે જેફ બેજોસ દુનિયાની સૌથી મોટી બોટ બનાવી રહ્યા છે.
નેધરલેન્ડના એક શિપયાર્ડમાં બનાવવામાં આવી રહેલી આ સુપરયાટનું નામ Y721 છે. જેફ બોગેસની આ યાટની પ્રથમ તસવીર સામે આવી છે. એક અંદાજ મુજબ આ 417 ફૂટ લાંબી સુપરયાટ બનાવવા માટે લગભગ 43.65 અબજ રૂપિયાનો ખર્ચ કરવામાં આવી રહ્યો છે.
એક અહેવાલ મુજબ વિશ્વનું આ સૌથી મોટું પેસેન્જર જહાજ આવતા વર્ષ સુધીમાં તૈયાર થઈ જશે. જેફ બેઝોસે તાજેતરના પુસ્તકમાં Y721 વિશે પણ ઉલ્લેખ કર્યો છે. એવું કહેવામાં આવ્યું છે કે આ સુપરયાટ હાલમાં અસ્તિત્વમાં છે તે શ્રેષ્ઠ યાટમાંથી એક હશે. અલબ્લાસરડેમમાં રાખવામાં આવેલી આ સુપરયાટનું નિર્માણ અંતિમ તબક્કામાં પહોંચી ગયું છે.
જો કે આ સુપરયાટ બનાવનારી કંપનીએ તેની ગ્રાહકની ગોપનીયતાને માન આપીને તેને બનાવનાર ગ્રાહકનું નામ જાહેર કર્યું નથી. $194 બિલિયનના માલિક જેફ બેઝોસની આ સુપરયાટ અવકાશમાંથી પણ જોઈ શકાય છે. હેલિપેડની સાથે આ યાટમાં પોતાની અન્ય સપોર્ટ યાટ પણ હશે.
આ સુપરયાટની સાથે, બેઝોસ ટેક્સાસમાં 500 ફૂટ લાંબી ઘડિયાળ પણ બનાવી રહ્યા છે. આગામી 10 હજાર વર્ષ સુધી ચાલનારી આ ઘડિયાળ પવનથી ચાલશે. આ સાથે જેફ બેઝોસ અમેરિકાના પ્રખ્યાત અખબાર વોશિંગ્ટન પોસ્ટના માલિક પણ છે.
