નવા વર્ષમાં, ઇન્સ્ટન્ટ મેસેજિંગ એપ્લિકેશન વોટ્સએપ તેના એન્ડ્રોઇડ અને આઇઓએસ એપમાં ઉપયોગકર્તા માટે કેટલીક નવી સુવિધાઓ ઉમેરવા જઈ રહી છે. વોટ્સએપ બીટા વર્ઝનમાં ઘણી સુવિધાઓનું ટેસ્ટિંગ કરી રહ્યું છે. તાજેતરમાં જ એક ટિપ્સરે અહેવાલ આપ્યો હતો કે વોટ્સએપે ડેસ્કટોપ અને વેબ પ્લેટફોર્મ્સ પર વોઇસ અને વિડિઓ કોલની સુવિધા ઉમેરી છે. હવે વોટ્સએપ એક એવા ફીચર પર કામ કરી રહ્યું છે જે તમને મિસ્ડ વોટ્સએપ ગ્રુપ કોલમાં જોડાવા માટે સક્ષમ બનાવશે.
બધા iOS બીટા ઉપયોગકર્તાઓ હવે વોટ્સએપ પર એક સાથે અનેક ઇમેજ અને વિડિઓઝ પેસ્ટ કરવામાં સક્ષમ હશે. નોંધી લો કે આ સુવિધાઓ હાલમાં કેટલાક વોટ્સએપ બીટા પરીક્ષકો માટે જ ઉપલબ્ધ છે. પરંતુ કંપની ટૂંક સમયમાં જ તે દરેક માટે લોન્ચ કરશે.
મિસ્ડ ગ્રુપ કોલ
વોટ્સએપ ટૂંક સમયમાં તમને છૂટી ગયેલા કોલ્સમાં જોડાવા દેશે જે તમે ચૂકી ગયા છો. સરળ શબ્દોમાં કહીએ તો, જો કોઈ તમને ગ્રુપ કોલમાં જોડાવા માટે આમંત્રણ આપે છે, અને તમે તે ક્ષણે કોલ લેવામાં અસમર્થ છો, તો કોલ સમાપ્ત ન થાય, તો તમે હવે તે કોલમાં જોડાવા માટે સક્ષમ હશો.
આ સુવિધા ઑક્ટોબર 2020માં એન્ડ્રોઇડ પર જોવા મળી હતી અને હવે, વોટ્સએપ આઇઓએસ ઉપયોગકર્તાઓ માટે તેનું પરીક્ષણ કરી રહ્યું છે. એન્ડ્રોઇડ અને આઇઓએસ બીટા ટેસ્ટર સુવિધાનો ઉપયોગ કરવામાં સક્ષમ છે. આ સુવિધા એક ખૂબ જ મહત્વપૂર્ણ સુવિધા બની ગઈ છે કારણ કે ઘણી વખત એવું થાય છે જ્યારે તમે કોઈ કોલ લેવામાં સક્ષમ નથી અને પછી જ્યારે તમે ફ્રી થાઓ ત્યારે તમે તે કોલમાં જોઇન થઈ શકતા નથી.
વોટ્સએપ વેબ કોલ
વોટ્સએપ દ્વારા, તમે ટૂંક સમયમાં ડેસ્કટોપ અને લેપટોપ પર વોઇસ અને વિડિઓ કોલિંગ કરી શકશો. વોટ્સએપ વેબ કોલ ફીચર અત્યારે તો પસંદગીના બીટા ઉપયોગકર્તાઓ માટે જ ઉપલબ્ધ છે, પરંતુ ટૂંક સમયમાં બધા માટે ઉપલબ્ધ થઈ શકે છે. Wabetainfoના એક રિપોર્ટ મુજબ, ફેસબુકની માલિકીની કંપની વોટ્સએપએ બીટા વર્ઝનનો ઉપયોગ કરીને પરીક્ષકો માટે કોલ સુવિધા શરૂ કરી છે.
અહેવાલમાં જણાવવામાં આવ્યું છે કે વોટ્સએપે કેટલાક લોકો માટે બીટા વર્ઝન પર કોલિંગની સેવા શરૂ કરી છે. Wabetainfoએ બીટામાં વોઇસ અને વિડિઓ કોલિંગ સુવિધાના સ્ક્રીનશોટ પણ શેર કર્યા છે, જેમાં મોબાઇલ જેવા ચેટ હેડર્સ પર વોઇસ અને વિડિઓ કોલના બટનો પણ દેખાય છે. જ્યારે પણ તમારી પાસે વોટ્સએપ વેબ પર કોલ આવે છે, ત્યારે એક અલગ વિંડો ખૂલશે, જેનો ઉપયોગ કરીને તમે ઇનકમિંગ કોલને સ્વીકારી શકો છો, નકારી શકો છો અથવા અવગણી શકો છો.
