આદિજાતિ જિલ્લા લાહૌલ-સ્પીતીના થોરાંગ ગામમાં એક વ્યક્તિ સિવાય તમામ 42 લોકો કોરોના પોઝિટિવ મળી આવ્યા છે. આ માણસની પત્ની સહિત પરિવારના છ લોકોને પણ કોરોનાનો ચેપ લાગ્યો છે. ભૂષણ ઠાકુર (52 વર્ષ) ગામનો એકમાત્ર વ્યક્તિ છે, જેને કોરોના સ્પર્શ પણ નથી કરી શક્યો. ભૂષણે કહ્યું કે તે કોરોના સામે રક્ષણ માટેના તમામ નિયમોનું પાલન કરે છે.
સીએમઓ લાહૌલ-સ્પીતી ડો.પલ્જોરે કહ્યું કે કદાચ ભૂષણની રોગપ્રતિકારક શક્તિ ખૂબ જ મજબૂત છે. ગામના તમામ લોકોના રિપોર્ટ પોઝિટિવ હોવા છતાં ભૂષણનો કોરોના રિપોર્ટ નેગેટિવ આવવો એ એક આશ્ચર્યજનક વાત છે. ગામના પાંચ લોકોના રિપોર્ટ પહેલા પોઝિટિવ આવ્યા, ત્યારબાદ બાકીના લોકોએ ચાર દિવસ પહેલા સ્વેચ્છાએ રિપોર્ટ કરવાનું નક્કી કર્યું.
જો કે આ ગામમાં 100 જેટલા લોકો વસવાટ કરે છે, પરંતુ બરફવર્ષાને કારણે આ દિવસોમાં ઘણા લોકો કુલ્લુ ગયા છે. ભૂષણે કહ્યું કે જ્યારથી પરિવારના સભ્યોનો રિપોર્ટ પોઝિટિવ આવ્યો છે, ત્યારથી તે એક અલગ રૂમમાં રહે છે. પોતે જ ભોજન બનાવે ચ્હે. તેણે 4 દિવસ પહેલા પરિવાર સાથે કોરોના ટેસ્ટ પણ કરાવી લીધો હતા. રિપોર્ટમાં પરિવારના અન્ય સભ્યોનો કોરોના ટેસ્ટ પોઝિટિવ આવ્યો હતો.
ભૂષણનો રિપોર્ટ નેગેટિવ આવ્યો હતો. રિપોર્ટ આપતી વખતે તે આખા પરિવાર સાથે હતો. પોતે પણ આ રિપોર્ટથી આશ્ચર્યચકિત છે. ભૂષણે કહ્યું કે કોરોનાને હળવાશથી ન લેવો જોઇએ. તે શરૂઆતથી જ નિયમિત માસ્ક પહેરવાનું તેમજ હાથ સાફ કરવાનું ભૂલતો નથી. સોશિયલ ડિસ્ટન્સનું પણ તે ધ્યાન રાખે છે.
