ડિસ્કો ડાન્સર એટલે કે મિથુન ચક્રવર્તી 72 વર્ષના થઈ ગયા છે. આજે મિથુનને હિન્દી સિનેમામાં કામ કરતા ઘણા વર્ષો થઈ ગયા છે. જે હાલમાં જ ફિલ્મ ‘ધ કાશ્મીર ફાઇલ્સ’માં જોવા મળી હતી. એક અભિનેતા તરીકે તેણે પોતાના જીવનમાં ઘણા ઉતાર-ચઢાવ જોયા છે.
તેઓ કહે છે કે, “જ્યાં સુધી તમે મહેનતનું કડવું ફળ ન ચાખી લો, ત્યાં સુધી તમને સફળતાનું મીઠું ફળ મળતું નથી.” મિથુન સાથે પણ એવું જ થયું. ચાલો આ લેખ દ્વારા તેમના જીવનની એક ખાસ કહાની કહીએ.
તેમની પ્રથમ ફિલ્મ 1976માં રિલીઝ થઈ હતી.
તેણે હિન્દી સિનેમામાં ‘મૃગયા’ ફિલ્મથી ડેબ્યુ કર્યું હતું. આ ફિલ્મ માટે તેની ખૂબ પ્રશંસા થઈ હતી. આ ફિલ્મને નેશનલ એવોર્ડ પણ મળ્યો હતો. જેમાં મિથુન ચક્રવર્તી, શેખર ચેટર્જી સહિત અનેક કલાકારોએ મહત્વની ભૂમિકા ભજવી હતી.
હિન્દી સિનેમામાં આવા ઘણા કલાકારો છે, જેમણે આગળ વધવા માટે સખત મહેનત કરી છે. તેમાંથી એક મિથુન ચક્રવર્તીનું નામ પણ સામેલ છે. જ્યારે મિથુન મુંબઈ આવ્યા હતા. ત્યારે તેની પાસે ખર્ચ ચલાવવા માટે બહુ ઓછા પૈસા હતા. તેની પાસે શાંતિથી સૂવાનો પણ સમય નહોતો. તેણે તેની ઘણી રાતો બાંકડા પર અને બગીચામાં સૂઈને વિતાવી છે.
ઘણા દિવસો જીમમાં વિતાવ્યા
તેણે એક ઈન્ટરવ્યુમાં કહ્યું હતું કે, “મારું જીવન ખૂબ જ મુશ્કેલ રહ્યું છે. હું શરૂઆતના દિવસોમાં સ્ટ્રીટ ફૂડ ખાતો હતો. મેં માટુંગા જીમની મેમ્બરશિપ પણ એટલા માટે લીધી કે હું ત્યાં બાથરૂમનો ઉપયોગ કરી શકું”. ઘરે-ઘરે ભટક્યા પછી તેને ફિલ્મ ‘સુરક્ષા’થી ઘણું સ્ટારડમ મળ્યું. આ ફિલ્મમાં મિથુન ચક્રવર્તી સાથે રંજીતા કૌર, જગદીપ, જીવન જેવા તે જમાનાના ઘણા મોટા કલાકારોએ મહત્વની ભૂમિકા ભજવી હતી.
ઘણી મોટી પાર્ટીઓમાં ડાન્સ કર્યો
એક રિપોર્ટ અનુસાર, મિથુને કહ્યું કે, “મેં વિચાર્યું કે મને હીરોની ભૂમિકા નહીં મળે. તેથી મેં નક્કી કર્યું કે હું વિલન બનીશ. તે પણ “ડાન્સિંગ વિલન”. હું કામ માટે ચાલતો હતો, જેથી હું કેટલાક પૈસા બચાવી શકે છે.. મેં ઘણી મોટી પાર્ટીઓમાં ડાન્સ પણ કર્યો છે જેથી મને ત્યાં ખાવાનું મળી શકે.”
આટલું જ નહીં, આટલી મહેનત કર્યા પછી તેણે બોલિવૂડમાં પોતાની અલગ ઓળખ બનાવી. તેમજ અનેક એવોર્ડ પણ જીત્યા હતા.
