શાઓમી હવે એકમાત્ર ટેક્નોલોજી કંપની નથી. જો તમે શાઓમીને જીવનશૈલીની બ્રાન્ડ કહેશો તો પણ કઈ વાંધો નહીં આવે. શાઓમીએ બૂટથી લઈને બેગ અને ટી-શર્ટ સુધીની પ્રોડક્ટ બજારમાં રજૂ કર્યું છે. હવે શાઓમીએ એક પાવરબેંક લોન્ચ કરી છે જેની સાથે તમે શિયાળામાં પણ તમારા હાથ ગરમ કરી શકો છો. શાઓમીની આ નવી પાવર બેંકનું નામ ZMI હેન્ડ વોર્મર પાવર બેંક છે.
આ નામથી જ સ્પષ્ટ છે કે આ પાવરબેંકનો ઉપયોગ ઠંડીમાં હાથને શેકવા માટે પણ કરવામાં આવશે. ZMI હેન્ડ વોર્મર પાવરબેંકમાં 5000 MaHની બેટરી છે, જેનો દાવો છે કે આ પાવરબેંક આઇફોન 12 ને એપલના પાંચ વોટ ચાર્જર કરતા વધુ ઝડપથી ચાર્જ કરશે.
એવો દાવો કરવામાં આવી રહ્યો છે કે આ પાવરબેંક 54 મિનિટમાં આઇફોન 12 પૂર્ણ ચાર્જ કરી શકે છે. આ પાવરબેંકથી તમે બ્લૂટૂથ હેડફોન, સ્માર્ટ બેન્ડ અને સ્માર્ટવોચ પણ ચાર્જ કરી શકશો. તેમાં એલઇડી ફ્લેશલાઇટ પણ છે, ભારતમાં આ અનોખા પાવરબેંકના લોન્ચિંગ વિશે કોઈ સમાચાર નથી.
