છેલ્લા કેટલાક સમયથી વોટ્સએપ તેના પ્લેટફોર્મ પર શોપિંગ પર વધુ ધ્યાન આપવા લાગી રહી છે. તે કંપનીની વ્યૂહરચનાનો એક ભાગ છે. તાજેતરમાં, વોટ્સએપ બિઝનેસ એકાઉન્ટમાં ખરીદી માટે ડેડીકેટેડ બટન આપવામાં આવ્યું હતું.
વોટ્સએપે હવે કાર્ટની શરૂઆત કરી દીધી છે. લેટેસ્ટ અપડેટમાં Add to cartનું બટન આપવામાં આવ્યું છે. જો તમે કોઈપણ ઇ-કોમર્સ સેવાનો ઉપયોગ કર્યો હશે તો તમને ખબર જ હશે કે શોપિંગ કરતી વખતે તમારે કાર્ટનો ઉપયોગ કરવો જ જોઇએ અથવા કાર્ટ સુવિધામાં ઉમેરો કરવો આવશ્યક છે.
ઉત્પાદનોની કેટલોગ વોટ્સએપ બિઝનેસ એકાઉન્ટમાં ઉપલબ્ધ છે અને તેને નવી સુવિધા દ્વારા કાર્ટમાં ઉમેરી શકાય છે. આ કર્યાં પછી, ખરીદી દરમિયાન, વિવિધ વેપારીઓના ઉપયોગકર્તાઓ તેમને કાર્ટમાં રાખીને ખરીદી ચાલુ રાખી શકશે.
વ્હોટ્સએપની આ કાર્ટ સુવિધા અંતર્ગત, જો તમે કાર્ટમાં કેટલીક વસ્તુઓ મુકો છો, તો પછી તમે તેને કોઈપણ સમયે કાર્ટમાથી કાઢી પણ શકો છો. તમને જણાવી દઈએ કે આ સુવિધા હાલ વોટ્સએપ બિઝનેસ એકાઉન્ટ માટે છે, પરંતુ જો સામાન્ય ઉપયોગકર્તા કોઈ ખરીદી માટે વેપારી ખાતાની મુલાકાત લે છે તો આ વિકલ્પો ઉપલબ્ધ થશે.
નોંધનીય છે કે કંપની સતત વોટ્સએપ બિઝનેસમાં આગળ વધી રહી છે. કંપની ઇચ્છે છે કે વધુને વધુ નાના વ્યવસાયો વોટ્સએપ પર આવે જેથી એપ્લિકેશનનો ઉપયોગ વધે અને વધુને વધુ ફાયદો થાય.
હવે જ્યારે વ્હોટ્સએપે ભારતમાં પણ વોટ્સએપ પે શરૂ કરી દીધુ છે, તો આવી સ્થિતિમાં, વોટ્સએપ બિઝનેસને પણ તેનો સીધો ફાયદો મળે તેવી અપેક્ષા છે.
હાલમાં વોટ્સએપ પે બધા વોટ્સએપ યુઝર્સ માટે ઉપલબ્ધ નથી, કારણ કે NPCI તરફથી UPI પેમેન્ટ પર કેપિંગ લગાવી દીધું છે અને વોટ્સએપ પે પણ UPI આધારિત છે.
