યુનિવર્સિટી ગ્રાન્ટ્સ કમિશન (યુજીસી) એ 124 ઓનલાઇન અભ્યાસક્રમો (MOOCs) રજૂ કર્યા છે. આ અભ્યાસક્રમો બંને અંડરગ્રેજ્યુએટ અને અનુસ્નાતક કક્ષાના છે. જેમાંથી 78 અભ્યાસક્રમો યુ.જી. કક્ષાના અને 46 અભ્યાસક્રમો પી.જી. કક્ષાના છે. જાન્યુઆરી સેમેસ્ટર 2021ના આ અભ્યાસક્રમો ‘સ્વયમ’ પ્લેટફોર્મ પર ઉપલબ્ધ છે. આ સિવાય આ અભ્યાસક્રમોનું લિસ્ટ યુજીસીની સત્તાવાર વેબસાઇટ, ugc.ac.in પર પણ જાહેર કરવામાં આવ્યુ છે.
તમને જણાવી દઈએ કે યુજીસીએ તેના સત્તાવાર ટ્વિટર એકાઉન્ટમાં એક પ્રેસનોટ રિલીઝ જારી કરીને આ અંગેની માહિતી શેર કરી છે. યુજીસીએ તેની અખબારી યાદીમાં જણાવ્યું છે કે જાન્યુઆરી સેમેસ્ટર 2021 માટે 78 યુજી અને 46 પીજી નોન-એન્જિનિયરિંગ અભ્યાસક્રમો (એમઓઓસીએસ) પ્લેટફોર્મ પર જ ઉપલબ્ધ છે. તે વિદ્યાર્થીઓ, જે યુનિવર્સિટીઓ અથવા સંબંધિત કોલેજોમાં પ્રવેશ મેળવે છે, તેઓ આ અભ્યાસક્રમો માટે અરજી કરી શકે છે. અભ્યાસક્રમોનું લિસ્ટ જોવા માટે તમે યુ.જી.સી., ugc.ac.in અને સ્વયમ પોર્ટલ, swayam.gov.in/CEC ની સત્તાવાર વેબસાઇટની મુલાકાત લઈ શકો છો.
વેબસાઇટ પર બહાર પાડવામાં આવેલા લિસ્ટમાં, દરેક કોર્સની શરૂઆતની તારીખ, પરીક્ષાની તારીખ સહિતની સંપૂર્ણ માહિતી આપવામાં આવી છે. વેબસાઇટ પર પ્રકાશિત સંબંધિત લિંકને ક્લિક કરીને, વિદ્યાર્થીઓ યુજીસીના ખુલ્લા ઓનલાઇન અભ્યાસક્રમોની સંપૂર્ણ વિગતો ચકાસી શકે છે. તમામ 124 ઓનલાઇન અભ્યાસક્રમો માટે જાન્યુઆરી 2021થી વર્ગો શરૂ કરવામાં આવશે. આ વર્ગો પોર્ટલ દ્વારા જ દેશભરની વિવિધ યુનિવર્સિટીના નિષ્ણાંત પ્રોફેસરો દ્વારા લેવામાં આવશે. અભ્યાસક્રમ પૂર્ણ થયા બાદ ઓનલાઇન પરીક્ષા લેવામાં આવશે. આમાં સફળ જાહેર થયા બાદ વિદ્યાર્થીઓને યુજીસી દ્વારા પ્રમાણપત્ર આપવામાં આવશે.
યુનિવર્સિટી ગ્રાન્ટ્સ કમિશને વિદ્યાર્થીઓને ઘરે તેમની કુશળતા વિકસાવવા અને તેમની કારકિર્દીને પ્રોત્સાહિત કરવાની સુવર્ણ તક આપી છે. યુજીસી દ્વારા કુલ 124 ખુલ્લા ઓનલાઇન અભ્યાસક્રમો શરૂ કરવામાં આવી રહ્યા છે, જેનો ચોક્કસપણે દેશભરના વિદ્યાર્થીઓને લાભ થશે.
