ટીમ ઈન્ડિયાના પૂર્વ ક્રિકેટર યુવરાજસિંઘે વર્ષ 2019માં ક્રિકેટના તમામ ફોર્મેટ્સમાંથી નિવૃત્તિ લઈ લીધી હતી. તેમણે તાજેતરમાં ભારતીય ક્રિકેટ બોર્ડ (બીસીસીઆઈ)ને નિવૃત્તિ પાછો ખેંચવાની વિનંતી કરી હતી, જેને બોર્ડ દ્વારા ફગાવી દેવામાં આવી છે. સૈયદ મુસ્તાક અલી ટ્રોફી માટે પંજાબના સંભવિત ક્રિકેટરોની યાદીમાં યુવરાજસિંઘનું નામ પણ શામેલ હતું અને બીસીસીઆઈ દ્વારા તેમને પાછા ફરવાની મંજૂરી આપવા માટે ગ્રીન સિગ્નલની રાહ જોવી હતી, પરંતુ તે થયું નહીં.
બીસીસીઆઈએ નિવૃતિ પાછી ખેચવા અંગે શું જવાબ આપ્યો?
ટાઇમ્સ નાઉના જણાવ્યા અનુસાર, બીસીસીઆઈએ યુવરાજસિંઘની નિવૃત્તિમાંથી પાછા ખેંચવાની વિનંતીને નકારી દીધી છે. નિયમ મુજબ, જો કોઈ ખેલાડી કોઈ પણ વિદેશી લીગનો ભાગ બને છે, તો તે ઇન્ડિયન પ્રીમિયર લીગ (આઈપીએલ) અથવા ઘરેલું ક્રિકેટમાં પાછા ફરી શકશે નહીં. આ નિયમ હેઠળ બીસીસીઆઈએ કોલકાતા નાઈટ રાઇડર્સ (કેકેઆર)ને પ્રવીણ તાંબેને પડતો મૂકવા કહ્યું હતું. માનવામાં આવી રહ્યું હતું કે યુવરાજસિંઘને બીસીસીઆઈની મંજૂરી મળશે અને તે મેદાનમાં પાછા આવશે. વર્ષ 2019માં વર્લ્ડ કપ દરમિયાન નિવૃત્તિની ઘોષણા કરનાર અંબાતી રાયડુને ઘરેલું ક્રિકેટમાં પાછા ફરવાની તક મળી હતી, પરંતુ તેની પાછળનું કારણ એ હતું કે તેમણે નિવૃત્તિ પછી કોઈ વિદેશી લીગમાં ભાગ લીધો ન હતો.
યુવરાજે નિવૃત્તિ જાહેર કર્યા પછી ગ્લોબલ ટી 20 કેનેડા અને ટી 10 લીગમાં ભાગ લીધો છે. આ કારણ છે કે બીસીસીઆઈએ તેમને નિવૃત્તિમાંથી પાછા ફરવાની મંજૂરી આપી ન હતી. મનદીપ સિંઘ સૈયદ મુસ્તાક અલી ટ્રોફીમાં ટીમનું નેતૃત્વ કરશે. પંજાબની ટીમમાં સંદીપ શર્મા, સિદ્ધાર્થ કૌલ, મયંક માર્કંદે અને બરિન્દર સરન શામેલ છે.
સૈયદ મુસ્તાક અલી ટ્રોફી માટે પંજાબની ટીમ:
મનદીપ સિંઘ (કેપ્ટન), ગુરકીરત માન (ઉપ-કપ્તાન), રોહન મારવાહ, અભિનવ શર્મા, પ્રભાસિમરન સિંહ, અનમોલપ્રીત સિંહ, અનમોલ મલ્હોત્રા, સનવીર સિંહ, સંદીપ શર્મા, કરણ કૈલા, મયંક માર્કંડે, અભિષેક શર્મા, રમણદીપ સિંહ, સિદ્ધાર્થ કૌલ, બરિન્દર સરન, અરશદિપ સિંહ, હરપ્રીત બ્રાર, બલતેજ ધાંડા, ક્રિશન, ગીતાંશ ઘેરા.
